【港鐵相撞】切換後備系統或致數據遺失 專家質疑模擬測試有遺漏
香港工程師學會張子惇訊號系統撞車港鐵
【新增動新聞】
港鐵荃灣綫凌晨測試新訊號系統期間,兩列車在中環站附近相撞,港鐵指事發時正轉用第三後備系統作測試,承辦商已承認軟件有問題。香港工程師學會控制自動化及儀器儀表分部前主席張子惇表示,第三後備系統即自動列車保障系統,設有此系統可提高安全穩妥性,但今次在切換第三後備系統後,可能有部分資料遺失,導致系統未能識別有列車由中環站出車,否則不應准許其他列車進入同一區間,「由於系統遺失資料,以為相關列車無出站,區間無列車,當仲有架車要經過交叉口時,要先處理好路線(無其他列車),先至畀架車過,唔係話鍾意過就過,明顯地呢條路線同入嚟嘅車嘅路線中間有衝突,呢條路線唔應該重叠」。
張子惇認為,當轉入第三後備系統,因為軟件問題,令系統以為另一條路線冇列車,「於是畀咗第二條路線列車通行,就發生咗今次碰撞」。他指今次事故或涉軟件在處理不同情況時有缺失所致,「可以係設計上冇問題,而係喺不同情況有不同安排,會唔會喺某啲情況,佢呢嗰安排冇處理好或者不適合,令軟件以為冇(列車),其實有嘅,就發生咗碰撞」。他相信部分軟件需修正,「但需要幾多時間修正,好視乎軟件有幾多地方有問題,可能只係一個數值錯咗,但呢嗰數值影響好大,就算修正咗,亦要全面做測試,好難講要幾多時間糾正」。
張續稱,一般來說,所有系統需完成所有模擬安全測試程序才會實測,「有啲測試會喺廠裡面做,有啲會喺實驗室做模擬測試,正常應該所有情況進行模擬測試,做完OK先至擺落去架車做實測,點解今次喺模擬方式下都出咗問題,要睇睇係咪喺模擬測試漏咗嘢,抑或其他原因」。他形容今次因涉及行車安全,屬嚴重事故。
被問及涉事公司訊號系統曾於新加坡發生同類事故,是否反映該公司相關系統質素有問題,張認為,暫不能斷言相關公司系統質素有問題,「每個地方項目有唔同要求,同一個系統喺唔同嘅鐵路都會唔一樣,測試要求亦唔一樣」。
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
專家張子惇表示,一般來說,所有系統需完成所有模擬安全測試程序才會實測。謝榮耀攝