韋達響開鑼日（1日）憑「明月昇輝」打開勝利之門，當然可喜可賀，但如果畀我去秤的話，「明月昇輝」減咗幾十分嚟贏番場馬，贏馬係應份，無乜嘢大不了，畀着任何一位有些少能力既練馬師都應該贏得。

其他參戰馬既表現就較為失色，好似「乘勝追擊」、「得勝駒」同「利害了」都係賽前實力馬，但跑落全部都捱打。

尤其係「利害了」以往響大摩嗰陣，無戴眼罩時既表現好地地仲識得贏馬，但去到韋達無啦啦笠個眼罩，最後就係無段好睇跑大包尾，點解佢要幫隻馬戴眼罩，只有佢先至最清楚。

只係跑咗一日馬，韋達既練馬功力仲有好多時間去驗證，單以開鑼日既表現嚟睇就點都唔及格；但前事不忘後事之師，有一匹馬一定要留意，呢匹就係「特醒」，四十幾倍冷門響一千米跑第四。

呢匹馬其實去季仲響蘇偉賢既時候已經一直留意，但左計右計都係覺得1200米較好，今場走勢都咁厲害，反映四班係大超級。

上季尾已經將呢匹馬記響自己既賽馬備忘，今季繼續有驚喜，只要下次跑1200米就要捧場，假如繼續跑1000米的話，唯有再剝吓花生睇跑馬啦！

-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此