韓國收費台tvN出品嘅電視劇，一向有品質保證，同時喺韓國亦叫好又叫座。

之前有多齣tvN嘅劇集都贏盡收視同口碑，好似《又，吳海英》、《奶酪陷阱》、《Signal》等都大受歡迎，而噚晚首播、由澤演同金所炫主演嘅《打架吧鬼神》，再次食住去年人氣劇《Oh我的鬼神君》熱潮，噚晚首播平均收視即高開4.3%，最高收視更達到5.2%收視，創咗tvN月火劇(逢周一及周二播出)嘅最高首播收視紀錄，比之前人氣劇《又，吳海英》更加高。