韓國女星宋慧喬夥拍男星朴寶劍主演嘅tvN新劇《男朋友》，將於聽日播出最新嘅第11集，港劇迷可於「黃Viu煲劇平台」同步追睇。劇組今日公開咗預告相，只見朴寶劍與喬妹父親文盛瑾首次見面，文盛瑾似乎對朴寶劍嘅印象唔錯，露出親切笑容並跟朴寶劍握手。

而數據公司噚日公開咗最新一周電視劇話題榜排名，雖然《男朋友》不敵《天空城堡》、《阿爾罕布拉宮的回憶》及《皇后的品格》等劇集，只排第4名，但朴寶劍及喬妹就依然穩坐演員話題榜嘅冠、亞軍。

另外，喬妹早前為品牌拍攝嘅新相亦於今日曝光，只見喬妹穿上粉紅色低胸背心裙大晒心口，相當性感。

精選韓流，喺晒《娛果》
http://fb.com/appledailyent