韓國男團BIGBANG嘅隊長G-DRAGON（GD）目前正展開個人世界巡迴演唱會，噚日於大阪表演完後，聽晚及後晚將於亞博館舉行兩場香港站演唱會，GD將於今晚飛抵香港，為演唱會作準備。

今日下晝，戴上冷帽及黑色口罩嘅GD現身機場，準備由大阪飛嚟香港，不過佢就似乎因為有啲攰，未有特別跟粉絲揮手，但一向包到冚現身嘅佢，今次未有戴上黑超，已經叫係非常有驚喜。

另外，GD噚晚完場時向80名VIP粉絲送花，勁識冧粉絲。

而GD自家品牌PEACEMINUSONE將於聽日起至下月1號，喺香港開Pop-up store，雖然活動聽日就開始，不過品牌今晚凌晨先會公開Pop-up store地址，非常神秘。