黎諾懿同湯洛雯今日喺旺角出席運動服裝品牌活動，湯洛雯雖然穿上風褸，但拉低少少拉鏈露少少心口，已引來男粉絲從高處影相，黎諾懿則於現場跑步。

平時湯洛雯有跑步習慣，試過晚上遇男迷跟喺後面：「我跑佢又跑，我停佢又停，後尾佢問我攞電話，我只係俾電郵。」佢指喜歡男仔身材高䠷，唔使爆肌，而緋聞男友羅天宇大隻：「佢瘦咗好多，佢以前啲褲貼腳o依家有鬆。」對方瘦了是否擁抱時手感唔夠好？佢話：「喺劇中有攬過，OK既。」佢話唔介意二人情侶檔工作，可以一起同台演出。