韓國女團少女時代成員秀英一直都非常纖瘦，當其他女星煩緊點減肥時，秀英就要諗點增肥。近期秀英終於增肥成功，上圍變得更有睇頭嘅佢，早前就穿上泳衣晒心口。

早前秀英為韓國雜誌拍攝新相，其中一張照片中，佢穿上連身泳衣配短褲，大騷長腿，同時微谷事業線。秀英自己都透露：「比之前肥咗啲，（依家）咁樣嘅身材更好睇，以前太瘦啦。我主要係做肌肉運動，都有做瑜伽，對增加肌肉有好大幫助。」

秀英似乎非常滿意增肥後嘅身形，近日就於Instagram公開多張新相，其中更有穿上小背心、泳衣等谷胸照片，非常性感。