當年今日
關於我們

【韓流】EXID引港迷逼爆荃灣 粉絲跳成名作冧偶像

蘋果日報 2017/06/16 20:14

九展EXID

韓國女團EXID嘅4位成員Hani、LE、正花、慧潾今日襲港,為聽晚喺九展舉行嘅亞洲巡迴粉絲見面會《EXID ASIA TOUR in HONG KONG 2017》做準備,而4位成員今日傍晚率先現身荃灣荃新天地舉行記者會見港迷,吸引大批粉絲迫爆兩層商場見偶像。
EXID於晚上7時10分晒腿現身,立即引起粉絲尖叫歡迎,及後用廣東話:「大家好,我哋係EXID」打招呼,並提到訪港感受,慧潾表示:「首次來港就有咁多粉絲熱烈嘅歡迎,好多謝大家。」LE之後表示之曾經同正花來港,當時食過雲南米線 今次訪港想再食,而Hani就表示:「之前來港活動時曾希望同成員再次來港,雖然今次冇率智,希望下次可以齊人嚟多次。」
提到想試嘅音樂類型,EXID就表示:「之前正花曾翻唱IU嘅慢歌,但任何類型都想試。」而負責組合作曲、作詞嘅LE就表示靈感來自自己、身邊朋友、成員嘅經驗。隊中除咗正花有演戲經驗,其他成員會唔會嘗試?Hani亦表示有機會都好想試。被問到想同邊位香港藝人合作,LE就表示:「我好鍾意張國榮,但好可惜未能合作,不過會一直尊敬佢。」EXID又指未有打算進軍歐美,提到因病停工嘅率智嘅近況,Hani表示:「未知幾時合體到,我哋都覺得好抱歉,率智都好努力康復中,希望佢好快啲好返。」
EXID又指喺韓國、台灣開騷時,因為粉絲嘅舉動令佢哋大表感動成日喊,都係開騷嘅難忘回憶;對於唔行性感路線想試咩風格?正花推薦Hani及LE嘗試可愛風格,Hani就話想做潮人。
進行訪問及祝酒儀式後,有粉絲上台跳成名歌《Up and Down》,EXID大讚跳得好,粉絲又送上蛋糕及橫額預祝EXID開騷成功,最後EXID到台下與粉絲大合照。
empty
攝影:陳順禎
empty
empty
有粉絲表演佢哋成名作
empty
Hani好搞笑
empty
empty
同粉絲打招呼
empty
最後影大合照