LOHAS係LifestyleofHealthandSustainability嘅縮寫，中文就是「樂活族」，12年前已經面世，是近年西方流行嘅一種達到健康而又可持續發展目標之生活方式與態度。將軍澳有個樓盤叫日出康城，英文名就是LOHASPARK，明顯想帶出這種感覺給買家。樂活族是透過消費實踐本身對地球生態的關心及學懂放慢節奏令自己活得更健康。
生態（Eco）與自我（Ego）齊齊升呢，相比窮忙族、蟻族、月光族等還在追逐名與利嘅族群，根本未有時間空閒去享受，反之樂活族明顯活得比較好，因為他們快樂已非建基於金錢多寡，當然亦可以好肯定，呢種較高層次嘅健康生活方法是需要金錢去支持。

賣給這種族群嘅產品應該針對中產，而且係要走向高端，休閒產業是新興產業，今時今日做生意，已經不再鬥平鬥「Cheap」，反其道而行是鬥貴鬥好。
在旅遊方面，港府2002年曾經構思並提出要發展做水療中心，一時又話要等城規會批，一時又有區議員怕影響大埔汀角附近居民，所以又要諮詢；長此下去，連香港人隔籬屋裝修都好快要禁止；香港地少人多山多，唔通開度假村要開到去米埔？香港自己原地踏步唔緊要，但競爭對手是不會等，自己唔前進都唔好阻人前進，這種態度等同掩耳盜鈴，新加坡新近開設一間以水療為主題嘅度假村，又食咗我地頭啖湯；海洋公園嘅水療酒店都要等2014年才落成，好多OL去泰國、馬爾代夫都是去享受水療按摩療程。
近年中國有不少五星級酒店都開展一站式水療服務，反映市場有需求。香港人擅於捕捉機會，擁有H2O專營權及ErnoLaszlo、Glycel品牌的奧思集團（1161），亦有經營水磨坊及水之屋水療美容中心，女人錢最易搵，隨時食正條水，想窮都難。

胡孟青
獨立股評人