周杰倫（周董）一共10場嘅「地表最強2世界巡迴演唱會2018」香港站今晚起喺紅館開鑼，場外有售賣紀念品，包括CD、T恤、衛衣、保溫杯、口罩、傘等，歌迷反應踴躍，紛紛排隊購買。今晚去捧場嘅有應采兒同溫碧霞。周董喺第二首歌已經唱出名曲《雙截棍》，當然唔少得周董揮舞雙節棍嘅部份，而佢唱到尾段，仲飛埋條雙節棍落台㖭！

23:05 首場騷圓滿結束

22:52 今晚最後一位可以點唱嘅觀眾，都係男仔，揀咗《晴天》，之後周董話唱最後一首歌《七里香》。

22:47 周董做完兩個點唱，就用廣東話問：「想唔想繼續？想唔想返屋企？」觀眾梗係答唔想，然後周董繼續揀人，最後揀咗個男歌迷，合唱《淘汰》。

22:43 之後輪到一位幸運嘅女歌迷，佢點唱咗《白色風車》，周董同佢合唱。

22:39 輪到點唱時間，周董今晚揀咗位男fans，一齊唱《聽媽媽的話》。

22:35 進入Encore部份，周董唱出新歌《等你下課》，唱到中段問觀眾：「喜歡我的新歌嗎？」

22:32 周董唱咗近兩個鐘歌，終於開口講嘢，佢話：「你們終於來了，有想我嗎？今次的票好買嗎？開10場還不好買？再開好嗎？」觀眾當然叫好，跟住周董用廣東話：「講笑咋！」然後周董再用番國語話：「下一次再開，今次見到很多熟悉的面孔。」然後用廣東話唱出《浪子心聲》同《青花瓷》。

22:24 出完鳴謝名單後，周董再出場唱出《簡單愛》，全場觀眾起晒身。

22:17 唱完《Now you see me》，周董換上銀色閃閃外套，唱《告白氣球》，唱到中段仲走落台同第一行觀眾握手。

22:09 周董喺電視遊戲畫面襯托下，唱出《陽光宅男》。

22:04 喺唱《星晴》前，台上一班樂手輪流隊咪俾觀眾，唱句歌詞，然後再到周董彈住琴唱。

21:55 玩完一輪，周董唱番冧歌《半島鐵盒》。

21:53 台上出現巨型滑梯，周董唱《鞋子特大號》，邊唱邊同啲dancers一齊玩滑梯。

21:51 周董再現身，換上金黃色衫褲唱《爸我回來了》。

21:47 周董御用錄音師楊瑞代（Gary）出場，自彈自唱《愛的飛行日記，之後到另一嘉賓南拳媽嘅彈頭現身，唱《退後》。

21:42 唱完《烏克麗麗》後，周董唱出《安靜》，全場大合唱。

21:35 到唱《龍捲風》時，首先有幾位舞蹈員solo一part舞，配合螢光幕動畫，做到未來世界咁樣，周董然後彈住一部著晒燈嘅鋼琴出場。

21:29 周董唱《最長的電影》中段時，走台邊與觀眾握手。

21:24 第8首唱到《美人魚》，螢光幕變成海底世界，周董換上銀色衫配粉紅色西裝外套。

21:19 喺唱完《夜曲》後，周董跟住唱《以父之名》，台上螢光幕背景轉為教堂畫面。

21:12 周董換上另一套紫銀色外套，坐喺張發光凳喺台中唱《床邊故事》，台兩邊有共4個發光十字架，及一班dancers伴舞。

21:03 唱第4首歌《開不了口》

21:01 到第3首歌《世界末日》，周董企喺升降台上唱。

20:49 唱《雙截棍》到尾聲，台上連爆幾次煙火效果，觀眾氣氛好好，不停尖叫，周董唱到中段，更不停揮動手上雙節棍，更飛埋落台。

20:47 演唱會開始，一開始有太空人打扮dancer凌空吊出場，然後一輪燈光音效後，周董著住一套暗紅色閃閃衫喺升降台出現，佢嗌：「香港朋友，尖叫聲！」觀眾即俾反應，然後佢唱出第一首歌《英雄》，再行樓梯到台面，周董件衫就隨住音樂閃燈，之後唱出《雙截棍》。

演唱會歌單：

1.《英雄》

2.《雙截棍》
3.《世界末日》
4.《開不了口》
5.《床邊故事》
6.《夜曲》
7.《以父之名》
8.《美人魚》
9.《最長的電影》
10.《龍捲風》
11.《烏克麗麗》
12.《安靜》
13.《愛的飛行日記》（楊瑞代）
14.《退出》（南拳媽媽 彈頭）
15.《爸我回來了》
16.《鞋子特大號》
17.《半島鐵盒》
18.《星晴》
19.《陽光宅男》
20.《Now you see me》
21.《告白氣球》
22.《簡單愛》
23.《浪子心聲》
24.《青花瓷》

Encore
25.《等你下課》
26.《聽媽媽的話》（點唱）
27.《白色風車》（點唱）
28.《淘汰》（點唱）
29.《晴天》（點唱）
30.《七里香》