曼城領隊哥迪奧拿爆料，指今個夏天離隊轉會德甲多蒙特嘅查頓辛祖，本來已經應承咗同球隊續約，哥帥話「雙方連手都握埋」，但係對方忽然變卦。

哥迪奧拿話自由其實好欣賞查頓辛祖呢位英格蘭U17代表隊成員，打算喺季前賽畀多啲機會佢，但因為辛祖最後U-Turn唔肯簽已經傾好嘅新約，於是哥迪奧拿亦都無帶呢位後生仔去美國。哥迪奧拿話：「以人工嚟講，我哋畀辛祖張約係好重手㗎，以青訓球員嚟講係好唔錯嘅。下一步本來就係好好練波，但唔知係佢自己定佢經理人嘅意思，忽然就話唔簽約。之後查頓辛祖仲失蹤咗兩、三個禮拜無練波，我唔知佢去咗邊，然後辛祖就簽埋多蒙特咯！」