中國銀聯上周五晚正式落閘，內地客來港買投資性壽險，不能再透過無限碌卡方法，以禁絕走資渠道，料會衝擊明日保險股表現。

豐盛金融資產管理董事黃國英（圖）表示，今年二月銀聯限內地客碌卡上限後，友邦（1299）翌日一度跌近9%，及後持續抽升，至今升幅差不多達兩成，「聽日第一棍一定係跌架喇，個消息係負面嘅，但經歷過上次教訓，今次好多人會選擇wait and see，英國保誠上星期倫敦股價都無跌好多啦。」

黃國英指，近日市況疲弱，不少人一早已經減倉，故此未必會有太多貨，「所以聽日唔會跌好多，唔會有股災，但心血少嘅都唔好掂住。」

他不認為事件對於保險業有好大影響，「啲保險中介會自己搵渠道架啦，同埋啲嘢愈禁愈吃香，有價值先禁啫，無價值禁嚟把鬼咩。」他又以蛇有蛇路，鼠有鼠路來形容保險代理的生產能力，相信他們有足夠能力處理今次事件。

掌握財經生活資訊，即Like「蘋果ATM」fb專頁啦！
http://fb.com/appledailyatm