馬賽喺尖沙嘴出席健康產品活動，佢話自己個人非常注重健康飲食，平日拍戲都會自備養生飮料及飯盒，盡量避免食外賣飯盒，所以每次開工都似出埠一様，帶一大個拖篋，經常被同事取笑，佢話：「不過我每次都會同班同事一齊食飯，好彩屋企有媽咪同工人煑嘢畀我食。」

馬賽又話對中醫養生及營養學亦相當有興趣，但基於修讀中醫課程時間太長，或者會報讀營養學文憑課程，理想係開一間注重營養食物嘅餐廳。