有冇諗過即使買了電影戲票，但未到開場一刻都唔知在哪個地方睇戲？還要在戶外放映！「辛丹斯電影節：香港」為了慶祝五周年而特別在9月15日舉行一夜限定活動，所放映的電影已經落實，但大會並唔會公開放映地點，但亦暗示放映地點或會同放映的電影內容有關，唔知各位影迷有冇膽量接受挑戰。

當晚神秘放映會所放映的是由「哈利波特」丹尼爾域基夫（Daniel Radcliffe）主演的Cult片《救你命3000》（《Swiss Army Man》），這套亦是兩年前香港辛丹斯電影節的開幕電影，電影講述主角在荒島上遇上由「哈利仔」主演的死屍再一同求生，記者之前都有睇過，橋段確實幾有趣。宣傳語句寫到放映期間「猶如置身於奇幻荒島之中」，並可「躺臥在大草坪上感受夏夜微風」，但實際地點在哪裏，記者曾問過大會都得唔到答案，或者各位有意挑戰的朋友可自行參透一下。另外提一提$90票價已包括坐墊、晚餐盒、爆谷及飲品，加上在電影放映之前更會有樂團隊現場表演，都確實幾抵睇。

日期：9月15日
時間：下午5:30至晚上10:00
地點：神秘地點（有免費穿梭巴士接送）
票價：$90（電影門票、坐墊、晚餐盒、爆谷及兩杯飲品）
名額：350人

記者：布偉倫

免費下載全新〈籽想去台北〉旅遊指南｜travelseed.hk