本港唯一女見習騎師蔣嘉琦正值停賽，無緣參加周六（7月1日）回歸賽馬日。

所謂因利成便，她問准馬會後，應邀遠赴北歐瑞典出戰當地國際女騎師錦標賽。今次亦是香港首度有女騎師在瑞典參賽，嘉琦BB未跑先再創歷史。

由瑞典馬會搞嘅世界女騎師錦標賽於香港時間下周二（7月4日）晚上開打，而嘉琦BB聽晚（30日）就會坐飛機前往瑞典Bro park馬場，為參賽進行準備。

睇怕嘉琦BB見到自己今周停賽冇馬跑，兼下周三（7月5日）又冇夜馬舉行，咪諗住早啲到瑞典，早啲適應北歐天氣同時差，順便了解一下當地馬場及跑道狀況。

呢次瑞典世界女騎師錦標賽，最為馬迷熟悉嘅參賽者，相信就係岳伯仁女兒岳艾娜（Ana O'Brien）。

最新加入的兩人就係贏得多場一級賽的退役名雌杜希利（Hayley Turner）及首位出戰法國橡樹大賽的法國騎師Maryline Eon，聯同嘉琦妹一共有10個女騎師出賽。當中不乏國際知名女將，如果嘉琦真係贏到呢場錦標賽，又會係另一項香港之光。