韓星李英愛起訴一名編寫虛假新聞嘅韓國記者。

噚日，韓國首爾地方法院透露，李英愛起訴一名涉嫌將藝人虛假情報，寫成報道嘅韓姓記者，指佢違反情報通信網使用同情報保護等相關法律。

上年7月25日，韓某指李英愛同女星韓彩英係婆媳關係，又話李英愛嘅老公鄭豪泳同韓片《8月照相館》女星沈銀河拍拖時隱瞞身份。

李英愛否認報道，指韓某將毫無根據嘅謠言寫成新聞報道，決定起訴對方。其實今次都唔係愛姐第一次，因類似事件向法院提出訴訟。

前日，韓彩英所屬嘅事務所表示韓彩英將演出內地劇《1931年的愛情》，該劇以30年代嘅上海為背景，講述抗日運動時嘅故事，同劇演員包括內地男星張亮同付辛博。