我哋成日投訴香港無地方去，星期六日放假都唔知去邊到好。而家好多人都想回歸大自然，適逢最近荔枝豐收，有農場齊齊佛心推出幾十蚊任摘荔枝。其中荃灣大帽山有一個隱世荔枝園，盛產香甜美味的荔枝，近日都有推出50蚊任食體驗，但卻受到網民無理抨擊，竟指責荔枝生得太高，好難採摘；生得矮，又畀人摘晒。而且價錢比街市貴，亦投訴交通唔方便，好似畀人呃上山。

對於荔枝生得高定低都有人投訴，又話無工具幫手，荔枝園負責人回應指，樹木生長有高有低，一般人也會捨難取易，佢哋會盡量幫助客人採摘樹頂嘅荔枝。佢哋亦添置更多工具，望客人原諒之前的不便之處。

荔枝園負責人表示，荔枝園最有意義之處是一家人扶老攜幼，一同享受家庭樂，包含汗水與回憶，街市或超市買回來的荔枝不能媲美。他強調，開放果園也不是為了賺大錢，只希望跟大家分享耕種的成果和大自然給予每個人的禮物。

發掘更多身邊的小城故事，請LIKE 蘋地Facebook Page，並設定為「搶先看」： https://fb.com/appledailyland