【公院亂局】沈祖堯重返醫院指前線氣餒 促減醫生文書工作
大灣區公立醫院沈祖堯
沈祖堯認為,公立醫院醫護人員應花更多時間於臨床治療工作,與病人建立關係及信任。
公立醫院醫護人手瀕臨「爆煲」。本身是醫生的中文大學前校長沈祖堯今早(17日)出席電台節目時,亦為前線醫生抱不平,指公立醫院醫護人員士氣低落,同時流失率高,人手嚴重短缺。他卸任校長崗位後,重返醫院工作,發現公立醫院已有很大轉變,不僅病人數量多,病房情況亦轉差;前線醫生巡房後,要再聯絡病人家屬,責任亦加重,工作十分辛苦,「以前醫科生畢業,一路培養做專科醫生,都會留低(公立醫院工作)5年至10年,因為留喺公立醫院有滿足感,真係照顧到有需要嘅人,仲有團隊精神。而家呢,留喺度,好似做唔到醫生、護士嘅工作」。
沈祖堯指,自己有嘗試為前線打氣,但感覺前線相當氣餒,「有時聽佢哋呻吓,佢哋話醫院係成日請人架啦,但請番嚟嘅,只係填補到流失嘅人手」,亦有前線反映,醫管局雖承諾會加人手,但同時會要求部門加開其他服務,令人手不足問題無法解決。他認為,公立醫院醫護人員應花更多時間於臨床治療工作,與病人建立關係及信任,應盡量減省其文書工作。他指,曾聽聞有醫護人員,因擔心手術出錯,在病人腳部特別寫上「左腳」和「右腳」。他指,醫護人員工作的確需要問責,但質疑「因為驚錯,填多幾張form(表格),係咪真係會唔錯?呢個係好大嘅問號」。
沈祖堯又指,病人病症較以往複雜,政府要投放更多資源,加病床及醫護人手,同時要協助病人盡快離開醫療體系,做好安老及長期病患等服務,讓病人出院後,獲得各項配套服務,否則醫療制度只會淪為「一潭死水」。他又指,本港雖有條件發展為創科中心,但租金高昂,導致創科發展受阻,又認為香港要把握大灣區發展機遇。
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef