【記者直擊】
【本報訊】荃灣灰窰角街6號工廈「DAN6」早前發生轟動全城石棺藏屍案，揭發大廈違例住用單位。《蘋果》發現，再有地產經紀繼續推銷客人到上址睇樓，並教路如何擺放家具，但未有提醒客人工廈以住宅租住涉違規。

凶宅同層單位租金平千元

《蘋果》記者佯裝客人，在荃灣一間地產公司訛稱預算1萬元以下的租盤，用作自住，對宣傳單張上唯一工廈租盤DAN6一個8,000元租盤感興趣，經紀遂帶記者到上址兩個單位睇樓。
經紀稱，有客人貪平而追求地方闊落就會選擇租住工廈。他透露，石棺藏屍案涉事單位同層有建築面積約600多方呎單位出租，月租約9,000元，若想睇樓則需與業主約時間，又指同層最近亦租出兩個單位，因該層有單位「出過事」，所以業主願減租，故該層單位平均比其他樓層減1,000元。
經紀先帶記者到高層睇樓，單位建築面積約500多方呎，內有小量家具，如桌子和衣櫃。單位內被分隔兩層，設樓梯連接懷疑僭建的閣樓。經紀稱可擺放一張床，能承受4個人重量。另一個低層單位是清水樓，建築面積約400多方呎。