同樣報讀皇仁的家長包先生直言屬碰運氣,起初並不知道皇仁決定減班,「真係減?咁我覺得唔應該啦,加班都嚟唔切啦,仲要減;有啲學校係唔應該減」。他認為推行小班不但能解決人口問題,亦能提升教學質素,一舉兩得。
皇仁校長李樂然指,減班會否影響收生言之尚早,學校昨日共收到十多份申請。同樣昨日收到十多份申請的將軍澳官立中學,校長趙家展認為,家長選校策略不會因減班而改變,「因為自行階段唔會受減班影響,家長揀學校嘅模式其實同以往相似」。他估計今年會收到400至500份申請,與去年相若。
另一所仍未宣佈是否減班的官中英皇書院,昨有不少家長前往報名,有家長指,不希望學校減班。