美元走弱，令到與美元掛鈎嘅港元同樣貶值，鍾意去歐洲同日本旅行嘅香港人，好多都會瘋狂購物，有啲甚至係為買嘢多過為觀光。其實去歐日旅行原本要使嘅錢已經唔嘢少，遇上今次英鎊、歐元、日圓齊現強勢就更加不得了，究意美元跌會唔會影響香港人嘅旅遊決定？
在《MSN》討論區，有網民眼見美元愈跌愈殘，就準備打消到歐洲旅遊的念頭，改去其他地方。網友Mia-07認為美元下跌唔會影響出外度假嘅決定，不過如果有人在意美元貶值會令啲錢「唔見使」，應該改去一啲美元與當地貨幣掛鈎嘅國家或地區。
就算無打算去旅行或者已經擱置旅行計劃嘅朋友，喺香港都會買嘢啩，如果想買歐洲車或者日本車，究竟𠵱家係咪時候買呢？

《香港討論區》中，港島東小薯就對現階段應否買進口新車心大心細，向網友討教。newsky就覺得，由於港元跟美元掛鈎，如果網友想買美國車，美元強弱影響唔大。但如果網友想買歐洲或者日本車，但又看淡美元的話，就應該快啲入貨。相反，如果準車主睇好美元，並打賭美元好快歸位，就不妨再等一下先買囉。
事實上，假若美元弱勢持續，歐洲同日本進口嘅貨品亦會加價，從而增加本港的通脹壓力，蠶食港人的購買力。