台灣電影《海角七號》創逾億港元票房，仲紅咗嚟自日本嘅田中千繪，有五個廣告等佢拍，淨袋750萬新台幣（約180萬港元）。嚟緊禮拜六佢會同緋聞男友李聖傑（右）喺台北獻唱，噚晚綵排嗰陣，田中送咗條頸鏈畀李聖傑，仲親自幫佢戴上。至於導演魏德聖前晚就喺油麻地出席優先場，反應唔錯。問佢會唔會拍續集，佢話唔會，仲話想部戲喺內地上映，但未知攞唔攞到批文。