當年今日

蠕蟲麵包食咗半個
食客慘中招 餅店賠八蚊

蘋果日報 2007/09/22 00:00


香港人喜歡食包,有人早餐、午餐都食包,網民Ryoga_Hibiki本來亦是麵包擁躉,不過最近因為一次慘痛經歷而變心。「嗰日我食咗大半個包,望吓個包,發現有粒黑色嘢喺入面,於是抆出嚟睇下,嘩!原來係條蚯蚓囉!我即刻衝入廁所嘔同埋洗口!」
就在Ryoga_Hibiki慘叫一聲衝入廁所之時,他的同事卻圍觀吃剩的半個包和一條蚯蚓。「佢哋見到條蟲,好興奮咁話要影低做證據。」Ryoga_Hibiki即時致電食物環境衞生署投訴,他對Net神說:「嗰日個衞生督察上到嚟都嚇一跳,估唔到係咁大條蟲。」他估計蚯蚓長約5厘米。
網民Ryoga_Hibiki麵包食到蟲事件震驚網友,吸引近二百人回應,不少網民看過圖片後都感到非常震驚。「真係勁核突,特別係條蟲個嘴,黃色㗎!」不少網民都替Ryoga_Hibiki不值,但他卻認為自己沒有把蟲吞下已算幸運。「有時啲嘢就係咁,平時食包都唔會望入面啲餡,今次因為啲生菜特別新鮮,所以望多眼,點知就俾我發現呢條嘢!」
即時致電食環署投訴
「佢哋俾番個包錢我,叫去睇醫生,由佢哋俾錢喎,我無睇醫生,因為我都無肚痛,睇心理醫生就差唔多。」Ryoga_Hibiki表示今次食包事件發生在7月中,當日他即時向餅店及食環署投訴,一個月後他收到食環署報告,表示該條是蠕蟲,署方會向麵包店發警告信,Ryoga_Hibiki說:「雖然餅店已經道歉,又退番個碎蛋沙律包嘅錢(約8元)俾我,不過我已經冇信心幫襯。」Net神聯絡懷疑售賣「蠕蟲包」的餅店,至截稿前未有回覆。
http://www14.discuss.com.hk/viewthread.php?tid=5348245&extra=page%3D1&page=1
empty