賀賢自從10月25日勝出「開心健康」後，已經差不多三個月未再有頭馬進賬，今季暫時只得五場頭馬，在練馬師榜排名下跌至尾三。今期(21日)第四場「幸運時代」，由今季賀廐頭號殺手潘頓執韁，有力贏馬打破悶局。

第四場四班1400米：「幸運時代」與已退役的5冠11位高班馬「天笑」同父同母，血緣並不早熟，性能宜跑中距離。「幸運時代」插班第二仗便開齋，當日跑1000米嫌短，而且排一檔不利，仍能夠後上擊敗對手，完全是恃質凌人，估計增程跑中距離，絕對有力在三班爭勝。

「幸運時代」上仗初次跑同程1400米，直路全程在內欄受困，最終只輸兩個半馬位跑第九，走勢極之出色，今仗潘頓重奪帥權，表現應可見真章，勝望彌高。

第三場三班1400米：「鑽飾飛龍」上季狀態低沉，連場落敗減分多，今季陣上演出重現生氣，大前仗直路賽後上得第三，末段造22秒09快時間；前仗跑同程1400米排外檔，轉彎時仍居尾疊，竟能夠在終點前衝贏所有對手，表現值三班頂。上場亦是1400米，途中被撞至失平衡，演出失準可理解。今仗對手更弱，只孭119磅，穩位望贏。