朱千雪今日同滕麗名、呂慧儀、單立文齊齊到荃灣出席活動。最近有傳王浩信同陳自瑤離婚，今日陳自瑤出席活動，已經澄清咗佢哋兩公婆冇離婚(新聞連結： https://bit.ly/2xZtzfo )，曾與王浩信合作嘅朱千雪，被問到此事時，佢就話自己冇特別關心呢件事：「上次見佢工作時，見佢狀態都幾好同開心，佢屋企事希望俾佢自己處理番。」

講到大台最近推出新一輯《美女廚房》，朱千雪就話自己已收到邀請，佢就話自己唔擔心做地獄廚神：「因為一定係我，冇得惡補，太遲喇！」朱千雪仲話自己亦都冇同男友一齊下廚，因為同男友住喺唔同國家，根本冇一齊煮飯食，但如果真係要比較，千雪BB就話覺得男友嘅廚藝一定俾佢好。另外，佢將會拍攝旅遊節目，千雪BB就話自己唔敢着三點式，但就唔係因為男友唔鍾意，佢笑住話：「我已經着唔落喇！我唔似其他港姐咁零死角。」

精選娛聞，喺晒《娛果》
http://fb.com/appledailyent