【淪為副選】銀河唯一冇世盃踢? 國家隊:你走吧啦!
英超阿仙奴世界盃基奧特法國國家隊
阿仙奴今季以破球會紀錄轉會費收購前鋒拿卡錫迪,呢位法國前鋒表現唔錯,亦令到另一位法國射手基奧特,喺球隊重要性進一步下降,已經淪為專喺盃賽先有正選踢嘅二線兵。臨近世盃決賽周,法國國家隊助教都睇唔過眼,擔心基奧特因為出場太少,影響到佢入選法國最終世盃大軍名單嘅機會。
法國國家隊助教基爾史堤芬(Guy Stephan)接受電視訪問時表示,基奧特目前喺球會嘅上陣時間的確係唔夠:「迪甘斯(國家隊主帥)已經同基奧特講過呢個問題,佢喺未來幾星期真係要好好考慮一下。係咪要離開阿仙奴,一定係取決於佢自己嘅諗法。過往佢喺法國國家隊表現好好,入過唔少重要入球。」
----------
係你!打造星級球隊,征服各地聯賽!立即加入『BFB CHAMPIONS 2.0』! http://bit.ly/2xrTKGM