去年6月12日，警方向在政總外參加合法集會的示威者施放催淚彈，示威者慘被圍困，中信大廈更險釀人踩人。抗爭踏入一周年，港人仍然未能遺忘當日發生的一幕幕驚心動魄場面，有大學生指社會上現時難以再發聲，政府又不斷打壓，阻止市民上街集會，但仍然會繼續堅持下去，齊上齊落，盡自己最大努力，為社會出一分力。

大學生阿聰指去年港人仍有遊行的權利，想不到一年後，國安法未實施，政府就借防疫為名打壓為實，阻止市民上街遊行，「我覺得呢個轉變實在太快，嗌咗一年嘅『五大訴求』，都好似變得遙不可及」。阿聰初時認為政府會聆聽市民的訴求，但政府在這一年間的所作所為，令他對政府慢慢失去信心，更直言「唔會再奢求奢望政府」。不過，他的抗爭意志猶在，認為自己應該繼續堅持反抗，讓下一代知道中共和港共政權的暴行，「呢件事係關乎到下一代，如果而家唔繼續去做，當我慣咗，去到下一代其實都係承受返同一樣野…呢一年呢一段歷史，好容易好大機會俾人改寫」。有網民發起明天在多區舉行集會「遍地開花」，紀念6.12踏入一周年，阿聰指自己雖然明天要上班，但他指會在放工後趕去集會，「咩形式都好都會想去下，即使係國安法立咗，但係都唔能夠因而阻止我想繼續去發聲」。

「我覺得唔好放棄，一齊一齊堅持落去，香港先係我哋嘅香港」，大學生Slyvia看到不少港人近日都想移民另覓出路，但她認為堅持才有希望，反而要做得更多，告訴政府人民不會恐怕惡法，「一個人嗌光復香港係一條罪，但係100個、1萬個人一齊嗌，一齊堅持嘅話，其實佢打壓唔到我哋」，因此自己明天也會留意住着最新動態，有需要的話也會出去幫忙。Slyvia認為政府在去年6.9告訴了香港人和平地表達訴求並沒有用，因此她與很多香港人一樣參與三罷，即使《逃犯條例》已被撤回，但「五大訴求」對香港人而言，「係需要雙普選，要一個民主自由嘅制度」，Slyvia表示會堅持五大訴求。

同為大學生的Calvin表示會在自己「能力範圍之內都盡量出嚟，盡己所能為社會出一分力」，雖然國安法實施在即，但他認為「風險大但係始終都要有人做」，明白抗爭難度日漸提升，有人或會因而卻步，轉戰網上戰線、設計文宣宣傳等工作，Calvin認為可以理解，又將情況形容為各人「各司其職」。回想去年6.9有103萬人上街，林鄭當晚即宣布繼續送中惡法二讀，Calvin覺得林鄭是在與香港人「宣戰」，才會引發之後的抗爭活動，「直到而家好多真相都未明，好多警察都未收到應有嘅制裁」，因此即使國安法快將實施，限聚令也未結束，即使惡法有多令人灰心，香港人更應在國安法實施之前「諗我哋嘅出路、我哋抗爭嘅理念或者方向係啲乜，一齊討論去諗解決方法。」

上班族趙小姐去年6.12一邊上班一邊留意新聞，看到金鐘彌漫著催淚煙，即使不在現場亦感到難過：「我覺得唔係邊個顏色嘅錯，只係大家嘅意見唔一樣，就要去到一個比較需要用武力嘅情況去解決」。她揚言擔心國安法實施後，表達訴求或會觸犯條例，「但係都冇辦法，我依然相信係有法治，香港係基於基本法，如果國安法係繞過基本法立法，可能好多人會覺得係法律嘅一部份，但並唔係原本法律原本嘅意義」，又指即使有很多事香港人也未必控制得了，但也不代表不應該去做，「只要我哋盡咗力，係過到自己良心」。

另外，上班族盧先生指自己明天雖然要上班，未能響應網民號召6.12一周年的活動，但會精神上支持手足，又指會在下班後擺街站，呼籲市民加入工會，希望可以發動一個幾百萬人的罷工行動，向政府施壓。他擔心國安法一旦實施後，罷工的權利也會被剝削，「都唔怕得咁多，可能再發展落去連呼吸都有罪，要盡我哋最後嘅努力去爭取一片空間發聲」。盧先生在過去一年看盡政府以日漸高壓的方式對待香港人，令市民再無空間和餘地去作戰，但他覺得大家仍要謹守崗位，「喺自己能力範圍內做好自己可以做佢貢獻呢個社會運動」。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568