韓國女神全智賢今個月30號就36歲牛一，今年6月全智賢宣佈再度懷孕，現時佢已停工專心安胎，早前佢陀住B現身公開活動，當時佢就刻意以外套遮肚。

雖然全智賢再度懷孕，但就冇影響佢嘅號召力，身為廣告天后嘅佢廣告一直未停過拍攝，之前佢先有新炸雞廣告出籠，近日韓國開始轉冷，全智賢代言嘅服飾品牌亦即推出全新廣告片，當中全智賢展示佢嘅女神魅力，無論着乜衫都可以配襯到厚厚長褸，完全冇違和感。

雖然全智賢就快36歲，但佢喺廣告中冇乜點化妝，真係好清秀，佢仲賣明仔，粉絲都大讚好可愛。