「中韓反目」令到「禁韓令」越禁越勁，雖然粉絲就話過「國家面前冇偶像」，但係粉絲依然對偶像不離不棄。

今日係EXO成員世勛嘅23歲生日，有內地粉絲就喺微博自爆於蘇格蘭買咗一塊地做賀禮，可見粉絲有錢就係任性。除咗世勛有地收之外，另一位成員伯賢亦於下月6號生日，為了慶祝伯賢25歲生日，大陸粉絲繼續大灑金錢，有粉絲於日前豪花金錢包下一整架機場鐵路列車嘅車身廣告，作為生日禮物送給伯賢，呢架列車會由首爾站出發駛到仁川國際機場，沿途會於12個地方停站，當中亦包括金浦機場站，據知呢架列車係由一名大陸女粉絲特別為偶像打造，作為伯賢嘅生日應援廣告。

而呢架列車會由上周六(8日)至下月8日整整一個月行駛，列車上印有伯賢樣子同埋祝賀佢生日嘅字句，等各地到訪韓國嘅遊客都可以睇到粉絲對伯賢送上嘅祝福。