【本報訊】貨櫃碼頭每月處理逾百萬個貨櫃，揸機工友辛勞工作，卻換來渾身工傷。有機手稱大部份工友因長時間彎腰，患上腰椎間盤突出及頸椎骨刺，多次反映但碼頭公司從無解決，工會亦批評勞工處懶理工人職安問題。碼頭公司回應指將為吊機更換新椅改善承托。
27歲的盧遠獎從事龍門吊機手6年，去年5月開工時因腰間劇痛及手指麻痹送院，檢查後發現椎間盤骨有3節突出。他指機手一日工作12小時，長期坐在操作椅上彎腰，「初時以為肌肉痛，點知嗰日震幅特別大就出事」。

43歲的龍門吊機手翁少宇前年3月工作時腰痛送院，發現近腰部3節椎間盤突出，頸椎亦長骨刺，「醫生話係傷殘，冇可能好番」。他稱有10多名工友有相同問題，「手停口停，焗住繼續做」。他2008年曾去信碼頭公司反映，碼頭工潮期間資方亦承諾跟進，「但乜都冇做過」。翁工傷後背部疼痛，長期失眠不能久坐，亦無法工作，家庭重責落在太太身上。盧遠獎雖無家庭負擔，但對未來徬徨，「我仲咁後生，唔知點算」。
職工盟屬下香港碼頭職工會總幹事洪俊毅去年與勞工處開會，對方僅將翁少宇轉介職業治療診所，並指不會針對座椅設計等做詳細評估。他批評勞工處忽略碼頭職安問題，正約見處長，並會做問卷調查統計工傷情況。
香港國際貨櫃碼頭有限公司表示，去年共更換84張吊機座椅，將試行新設計座椅，增強避震能力並加設手托卸力，預計年中抵港。公司已將伸展運動海報張貼於各吊機內，去年涉及貨櫃操作相關的受傷個案較前年少17.9%。勞工處稱已向貨櫃碼頭管理層發警告，要求進行全面風險評估。
■記者佘錦洪