【係咪情趣內衣?】百億老公送貼身物唔啱用 熊黛林:男仔嘅眼光好唔同
Lynn熊黛林Moka城城生女
今晚熊黛林(Lynn)中環文華酒店出席珠寶展,重點當然係佢第二次拒絕祝福舊愛城城。但其實喺佢講城城之前,佢都用咗成五分鐘講佢個百億富商老公郭可頌。
先講Lynn今晚嘅行頭。佢頸上戴住嗰條鑽石鏈足有四十幾卡,價值逾七千萬。問佢會否叫老公郭可頌買?佢笑謂:「我都想呀,儲緊錢。」Lynn話佢收過嘅最大粒鑽石就係老公送嘅求婚戒指,「幾多卡唔重要,最重要係心意。」
啲人成日話老婆生仔會送鑽石做獎勵(留意番,「啲人」二字係冇指向性…)Lynn話佢同老公都冇傾過呢樣嘢,反而係Lynn創業如果有錢賺就會送鑽石。咁係咪無上限?Lynn話:「睇下品牌賣成點啦,不過我都會錫住佢荷包。」
創業剛起步,Lynn話反應都唔錯,仲賣花讚花香話女孩子們著咗之後都可以好似佢咁令身形線條更靚。
Lynn下個月生日,佢話兩公婆平時每隔數月就出埠旅行,咁生日希望收到乜嘢禮物?佢笑笑口話:「希望有驚喜,但次次都係有驚多過喜,因為男仔嘅眼光好唔同。」佢舉例話一次收到老公送一份著上身嘅禮物(佢死都唔肯講係乜),Lynn笑稱:「收到之後滴晒汗,我仲同老公講,叫佢以後唔好俾驚喜我喇,因為呢份禮物同我平時style好唔同。依家當紀念品擺喺度。」
同場仲有大陸女星徐冬冬,佢憑豐滿上圍打出名堂,更喺劉德華同甄子丹主演嘅電影《追龍》有份演出,做子丹嘅養女。佢話因為太多動作戲,足足瘦咗5kg。
咁上圍有冇縮水?徐冬冬冇正面答:「現在沒有用bra,因為戴了就太腫,只貼兩點,太豐滿不夠時尚,現在找我拍的角色都是性感路線,自己都想改變一下,多面一點。」佢覺得現在平胸才夠時尚,都知道有縮胸手術,不過就怕痛同驚危險:「都想有不同的戲路,現在胸圍是89cm D級,或許有一天會去做手術,弄小一點,因為在微博經常被人罵我太性感,而且怕有一天承受不住重量。」
熊黛林話老公送嘅禮物,有時驚多過喜,唔係自己嘅Style。
話如果品牌做得成功,老公送嘅禮物就無上限,不過自己都會錫住老公荷包嘅。
Lynn話佢收過嘅最大粒鑽石就係老公送嘅求婚戒指。(資料圖片)