一名為新居安裝分體式冷氣機的讀者，在屯門屯隆街時代廣場商場豐澤電器店購買一部分體式冷氣機，安裝後啟用10分鐘開始漏水，牆上新髹漆油因滲水而剝落，豐澤拖延近一個月仍未維修，令她延期入伙，十分不滿，向《蘋果》投訴，經本報跟進後，豐澤電器即時處理。

黃小姐向本報投訴稱，她新居入伙，四月中在屯門時代廣場商場豐澤電器，購買一部分體式冷氣機，豐澤提供免費安裝。在安裝數天後使用，但她開動冷氣機約10分鐘，冷氣機即開始漏水。

「啲水冇停過滴落嚟」
「起初唔為意，以為機殼外面潮濕出水，但啲水一直冇停過滴落嚟，好誇張；條輸氣喉外面都係水珠；我哋打開部機睇，發現裏面不斷出水！」
黃小姐大為吃驚，及後更發現牆上新髹漆油亦出現滲水，原本簇新的裝修，變得「滿目瘡痍」；她隨即致電豐澤求助，但職員稱此為外判工程，多番游說她自行聯絡維修部找師傅解決。
黃小姐表示，她只好自行聯絡豐澤維修部，但上門工人態度欠佳，檢查後否認裝機技術有問題便離去，沒有向她解釋情況。她多次聯絡豐澤，要求再另安排工作人員上門維修，幾經交涉下，豐澤終另派職工到場，但卻沒開機測試，只是拍攝幾張相片便匆匆離開。