【新增動新聞】
巴西後衛丹尼爾同祖雲達斯提前解約之後，一路盛傳佢會去曼城同前巴塞隆拿教練哥迪奧拿重聚，但結果呢位34歲球星最後加盟咗巴黎聖日耳門（PSG），連哥帥都冇面畀，全因為佢老婆大過天。

丹尼爾今個月較早時候同23歲嘅西班牙model女友Joana Sanz拉埋天窗，而因為Joana Sanz鍾意住喺巴黎多啲，所以丹尼爾最後選擇咗PSG。據報將會喺PSG周薪23萬鎊（約235萬港元）嘅丹尼爾，喺佢加盟PSG嘅記者會上亦都提過今次決定係想贏冠軍，而佢太太好鍾意巴黎、佢想家人開心都係佢有今次決定嘅主要原因。