荔枝角九華徑舊村村口一家無牌露天食肆，每晚食客喧嘩聲令與食肆只一路之隔的居屋荔欣苑居民飽受滋擾，居民先後向多個政府部門投訴，但有關部門互相推卸責任，以致一年來情況依舊，居民投訴無門，轉向《蘋果》反映，盼獲改善。

荔欣苑居民投訴稱，荔欣苑與九華徑舊村，以荔景山路分隔。一年前，九華徑舊村村口開了一間名為「九華徑大笪地」的露天食肆，自此荔欣苑居民便無寧日。
居民稱，食肆以燒烤場形式經營，每晚營業至零晨三時，食肆沒有上蓋，食客高聲談笑和喧嘩，噪音滋擾荔欣苑居民，問題一年多未解決。
「地政署話嗰度係私人地方，管唔到；環保署只係偶然嚟抽查幾次，就話噪音唔係太嚴重；食肆無牌經營，食環署都只係可以罰款，根本冇阻嚇作用；警方就只係警告了事，重話我晚晚打電話嚟投訴，叫我搵第二啲政府部門求助，真係唔知點算！」

「只係將個波四圍踢」
「成日咁嘈法真係好滋擾，雖曾向政府部門投訴，但係一啲用都冇，佢哋只係將個波四圍踢；」
居民稱，除噪音外，食肆亦造成食物安全及環境衞生問題，他希望政府部門盡快採取行動，作出取締，以免附近居民再受滋擾。
環境保護署亦證實，曾收到兩宗同樣投訴，並於去年十月初至十二月底期間，七次於晚上派員到有關食肆及九華徑一帶調查，惟並未發現食肆發出過量噪音；環保署已要求有關食肆負責人加倍留意，在面向民居的食肆外圍圍起塑膠簾幕，以及控制顧客發出的噪音，以免滋擾鄰近居民。