曾志偉主持嘅TVB遊戲節目《我愛香港》， 搵咗陳煒、高海寧、同剛剛完成演唱會嘅鄭欣宜等人擔任嘉賓，今晚喺電視台進行錄影。對次關淑怡誤墮海消息，曾志偉話自己都搵唔到對方，都希望可以送上問候，又話自從對方嘅演唱會之後就冇見過面，認為佢唔係傳聞所講自殺，只係發下脾氣，不過佢話：「都唔應該攞生命嚟開玩笑，而且佢仲要照顧小朋友。」

講到好友譚詠麟笑指關淑怡只係練習渡海泳，曾志偉就話阿倫同關淑怡相熟先會有類似高見。

而剛剛被雜誌話佢因為有殼王陳國強關照，所以唔同TVB續約，高海寧噚日已經喺網上發聲明否認，佢話此舉只係捍維個人尊嚴：「唔排除會採取法律行動，不甘心被人屈咁多次。」高海寧笑言可能係冇新聞，但亦唔應該抹殺自己一直以嚟嘅努力，仲聲言以後唔會再接表現性感嘅工作。