陳慧琳（Kelly）上周五誕下6磅麟兒劉昇後，目前她仍然在醫院。昨午1時許，其夫婿劉建浩（Alex）的雙親到了嘉諾撒醫院，約20分鐘後，Kelly父親和弟弟陳司翰也來到，眾親友在醫院逗留約個半小時離開。

司翰：家姐好緊張

Alex父親說：「抱孫好開心，多謝大家。」Alex母親則說：「之前我已經嚟過醫院探佢哋，覺得個B好得意，Kelly健康就幾好。」Kelly父親探完女兒和孫兒後，心情靚極，他說：「好開心，個B好靚，我送咗金牛畀個孫，佢個嘴幾似Alex，眼同額頭就似媽咪。」問到會否擺滿月？他說：「等個女出院再講，家Kelly谷緊奶，我諗佢要餵多一排人奶先至可以返出嚟做嘢。」陳司翰指昨日帶了一件童裝和一張卡給BB，他說：「剛才我哋入BB房睇，佢要我哋一嚟要洗手，又叫我哋唔好咁嘈，因個BB仲瞓緊，家姐真係好緊張。」
採訪：魯萍　攝影：彭琮然