at17嚟緊12月22至24日喺伊館舉行三場演唱會，今日去商台繼續宣傳，三場門票今朝正式開賣，佢哋表示一早收到fans求助買唔到飛，亦有排隊人士指唔夠15分鐘已經賣剩少量單丁位，佢哋有見及此，決定將部份內部認購門票拎出嚟，至於不幸被删訂單嘅朋友，佢哋會將舞台邊同兩側加設位置安頓呢班朋友，問到會否再考慮加埸？盧凱彤話：「太辛苦啦日場！」

為咗答謝fans，佢哋決定做facebook live，令未能入場fans都可以聽住先。近日不停做網上live演出，令佢哋已經越來越期待演出當日，近日亦加密練習，盧凱彤計劃到林二汶家過夜練歌，因為呢份感覺先係最原始嘅at17味道。另外，佢哋知道唔少人因為at17而拍拖或者認識，所以佢哋提議大家睇騷時可以提早到場，在場外撞吓舊朋友。