王敏奕、蔡一智一家、王敏德一家、鄭中基一家及劉兆銘等人晚上到機場博覽館欣賞歌舞劇《獅子王》，鄭中基臨開騷到場拒接受訪問。而樂易玲跟兒子急步到達，被問到無綫裁員、裁了350人是否太多及她會否在裁員名單，她一概不回答，無視站在眼前的記者進場。

王敏奕、麥芷誼和余香凝有份拍攝電影《Baby復仇記》，她們透露日前與戲中女主角陳靜為電影錄主題曲，4人走在一起話題多也特別嘈吵，麥芷誼笑言自己最嘈而且五音不全，大家還覺得明年可組成女子唱歌組合，希望在金像獎頒獎禮上表演，王敏奕表示贊成：「都好呀！我有得獎運，相信會好有娛樂性。」

新婚的王敏奕甚得老爺、奶奶歡心，聖誕節一家人會到日本旅行，但明年多工作不會急於「造人」，問到奶奶會否心急抱孫：「呢啲係開心暫，但要睇時機，佢冇催，係一個非常好嘅奶奶，畀好大自由度。」

另外，王敏德女兒王曼喜拖新女友到場，更融入家中大合照，母親Janet Ma表示二人拍拖數個月，承認已跟家人融入生活，聖誕節一家人會在港度過：「聖誕節對我哋嚟講係大節日，但唔會搞太大活動，都係一家人一齊過，一齊食吓飯。」

採訪：王連連
攝影：陳慧安

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇