巴塞隆拿喺周日晚以2:0擊敗維拉利爾，除左繼續穩守西甲榜首，當中前鋒美斯又入一球，為巴塞隆拿射入個人第525個入波，追平咗由德國名宿「轟炸機」武勒保持，為單一球隊入波最多嘅紀錄，認真犀利。

「轟炸機」武勒係1965至1979年間，為拜仁慕尼黑上陣572場射入咗525球，而美斯就為巴塞上陣605場射入呢525球，係差唔多40年後嘅今日，終於有球員能夠企及。另外，單計2017年，美斯已經為巴塞射入49球，係球會級別冠絕整個歐洲。賽後巴塞隊友，克羅地亞中場拿傑迪錫就話，雖然基斯坦奴朗拿度(C朗)最近第5次拎金球獎，但要佢講嘅話，美斯先係現今球壇最神奇、頂級，超卓嘅嗰位！

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS