聽開電台的，有誰不識潘紹聰？當年頂替蔡康年主持新城深夜靈異節目《恐怖熱線》，憑一把「顏聯武靚聲」行走江湖，廣納一班忠實「夜鬼」粉絲，更贏得「鬼王聰」之稱。可惜贏人氣輸廣告，08年轉投蕭若元的網台，人網執笠，鬼王聰最後自費創辦「好大個網」，繼續主持《恐怖在線》，周一至周五無間斷講鬼講怪，收入靠一班忠實fans以月費形式收聽節目，據悉鬼王聰每月淨賺15萬，比DJ收入還要多。

不過潘紹聰昨日接受訪問時婉拒透露詳情，但就承認這一兩年收入很好。對於近日同樣以靈異鬼怪搵食的梁思浩開創「搵鬼app」，他說：「思浩喺我前輩，手機app都係玩成份居多，同埋都係用嚟輔助。事實大家都會循智能手機呢個方向行，始終淨係聽把聲唔及有相同片咁吸引，所以我都有放片、相上網。」他表示未來的發展方向都以周邊發展為主，手機app及網上商店，最近甚至拍了早前就幫手拍了一部電影靈異電影《恐怖在線》，名副其實「乜鬼都做」！

電影圍繞十年前轟動一時的汀九村巴士墮橋慘劇及屯門友愛村的農曆七月十四紅衣女墮樓事件，電影已定於下月4日上畫。日前鬼王聰更親身率領演員周俊偉、許雅婷（Kabby）、趙慧珊（AKA）及馬來西亞女藝人廖子妤（Fish）來到汀九村，現場講述當日巴士飛墜的事發經過，眾人心情不禁沉重起來，周俊偉指在戲中的未婚妻就是在巴士意外喪生：「嚟到呢度就好感受到搭上死亡巴士嘅乘客嗰刻嘅恐懼，感覺好心噏。」

之後他們又到了屯門友愛邨，眾人先到荃灣購買附薦包，再到盂蘭勝會會場誠心拜祭，祈求亡靈安息。原來拍攝時，Kabby曾疑似撞鬼，她說：「當晚喺荒山拍攝，放消夜時我聽到身後有人『喂』我，我擰轉身又望唔到人。周俊偉都問我做乜，我驚會嚇親大家，所以冇講出嚟。」當得知要到訪友愛邨紅衣女墮樓現場，Kabby透露連續兩晚都發噩夢撞鬼。至於AKA於戲中後半部飾演鬼魂，她指開拍前有燒街衣求心安，拍攝期間一直有符跟身及問劇組取利是求平安。