噚日沙田馬場跑國際賽，一年一度馬圈盛事趙飛雲當然唔會錯過，同大行老友一齊入場睇靚馬。趙飛雲原本冇乜輸贏，但自從第六場隻心水「熊中雄」輸畀大行老友隻「山東好馬」後，手風急劇轉差，而大行老友尾場重鎚連贏「自然好」搭「牛精財星」贏大錢，十分風騷。
晚飯時，趙飛雲問大行老友點睇港股後市，佢陰陰嘴笑話啲馬仔已經話咗畀你知，仲要問？趙飛雲輸錢仲要輸埋牙骱，惟有化悲憤為食量，擦番夠本。

暫在18600-19000上落

其實由短線技術走勢睇，港股略為偏淡，未有太明確方向。恒指近兩周在18600-19000區域反覆上落，漸形成橫行區，而這個區域剛巧是20日線至保歷加通道底範圍，所以有向下試底意味，屬略為偏淡。
若作貼市短炒，可在這400點波幅內炒上落，直至出現突破才買單邊。例如當恒指跌穿18600，量度跌幅可見18200，可順勢追入造淡，博18200亦失守，下試17800。另方面，若恒指確認重返19000之上，將上試19400，若確認破頂，起碼會見19800，出現此走勢則順勢造好，勝算較高。
滙控（005）及中移動（941）已率先調整，現已跌近支持區，若見底反彈，則啓示後市向好機會大。另外，近期支撐大市的長和及地產股，已漸超買，動力有放緩迹象，假如這些股份展開調整而滙控及中移動兩隻重磅股未有起色，則大市將進一步向下調整。
趙飛雲