大國打個噴嚏，香港就會冷病，由港珠澳大橋壓測，到沙中線剪筋，小島由真入假，由盛轉衰，形形式式的馬虎造假灌進世道骨髓，撐起每日的新聞頭條，不是英雄，不是時勢，而是像中科興業負責人潘焯鴻一樣，有禮得來「串串貢」，以己身專業自傲的「香港仔」。

一個月前，沒有人知道「中科」是何方神聖，今時今日，他一天走6個訪問。潘焯鴻，自稱普通人，家住大角嘴，10年前因捍衛家園──港灣豪庭的公共空間「響朵」，他是工程人，良好教育背景，家有妻小，站出來只因「性格使然」，「一過咗我條line，我就唔會放手。」

紅磡站剪筋事件曝光後，中科首次發聲明，因為田北辰冤枉他與禮頓有錢銀爭坳；今日站出來，因為港鐵廣告不點名批評他單方面提指控，「好似街巿啲師奶嗌交咁，完全唔專業。」工程人保持專業是基本，他說。

網上有人用「癲狗」來形容他，他也承認性格強硬，從不應酬，「咁樣喺我呢行基本上係生存唔到，但我又ok喎，我同啲人食飯唯一理由係我respect嗰個人。」說時有種傲氣，「我無軍師嘅，全部係我自己諗，屋企人唔擔心，佢哋一早知道我係咁嘅人。」他也沒有擔心人身安全，「我唔信佢會殺到我。」