林嘉欣情人節迫人買碟

蘋果日報 2004/02/14 00:00


林嘉欣昨日到港台接受《娛樂滿天星》訪問,她笑言在情人節前夕要大派禮物,所以她特別帶了一部寶麗來相機到各電台,計劃跟所有DJ合照留念,並送給他們作情人節禮物。

衝入卡拉OK
至於今日情人節,林嘉欣表示已為自己安排了緊密的行程,她說:「我首先會同一班歌迷聚會,我重會着裙出席,其實我一向都唔鍾意着裙,因為我會好唔自然,着裙又要扮斯文,而且我重諗住衝入去卡拉OK叫人買我隻碟,着裙其實真係好唔方便。」
而歌迷聚會後,林嘉欣相約了一名女性友人往聽演唱會。對於近日有報道指林嘉欣與一名女助手拍拖,她說:「報道真係好無聊,搞到個女助手話我搞到佢冇market,重有好多朋友叫我唔好搵佢哋,唔好搞到我冇晒朋友啦!冇朋友會好寂寞。」
採訪、攝影:駱華齡