世上真係無奇不有，繼年前許志安喺球場度被人認錯係杜生（杜德偉）後，今次嘅最新主角，就係吳國敬被人認錯係關楚耀。

話說今日喺網絡上，有人貼出一張相，上面係一個男人同吳國敬影嘅合照，而且仲標註埋影嘅地點係喺廣州嘅中央車站，本來都冇乜嘢，但最大件事嘅係，呢位有幸同阿敬影相嘅人兄，竟然寫住「各位觀眾，特別嘉賓，關楚耀先生」，係呀，你冇睇錯，佢真係寫住關！楚！耀！

認錯，好多人都會，但最爆嘅係，呢位先生佢係掛住當晚吳國敬喺廣州開嘅「敬搖滾樂團」音樂會嘅工作證，而呢張相，睇環境又似乎係喺後台影，翻查番當晚個騷嘅嘉賓，其中一個的確係關楚耀，但吳國敬同關楚耀差咁遠，咁都認錯的話，會唔會太過份？

精選娛聞，喺晒《娛果》
http://fb.com/appledailyent