韓流天王Rain跟大肚老婆金泰希上月底飛去意大利進行「胎教旅行」，日前二人於羅馬機場被捕獲，當時懷孕7個多月嘅金泰希更一直用袋遮大肚。

而Rain只係剛到意大利時有於Instagram公開過喺意大利餐廳嘅食物相，之後一直未有更新Ig，直到今日凌晨先於Ig公開多張婚車照片，又留言「好靚」，於是有網民留言問Rain跟金泰希係唔係「二度蜜月」。

之後Rain再公開一張蹲喺地上專注地拍照嘅相，未知係新廣告相，定係佢忙於為老婆拍照時嘅花絮相呢？