惠英紅（紅姐）今日於商台接受訪問，紅姐自爆瘀事，她指日前獲得亞洲電影大獎最佳女配角，在家人整理獎項時不小心弄傷左臉臉頰，她笑說：「因為我搬咗屋，我想將個獎放上櫃嘅時候，因為個位比較高，我又懶冇攞櫈，一時拎唔穩，個獎跌咗落嚟，好在我接得住，但畀個獎篤到塊面一下，第二日發現變咗紫黑色，都好驚。」

紅姐近10年的獎項有約40個，她爆今次獲獎後第一個收到短訊是來自裝修師傅，她說：「因為師傅預多咗3塊層板畀我放獎，我話夠喇，點知佢就話『我都話唔夠啦！』」

紅姐又指10年前的獎項大多已經不見了，唯一只剩下第一屆金像獎，她說：「嗰屆只係頒咗5個獎，許冠文都冇咗個獎，得我一個仲喺度，個獎係木造，同而家個獎嘅外形完全唔同，之前我都借過個獎出嚟影相，佢哋仲幫我修復番。」如此多獎，會考慮舉行展覽嗎？紅姐說：「冇呀，我百年歸老都係將啲獎放喺電影博物館。其實喺內地同外國有好多獎，有啲係用水晶做，所以每次搬屋都會親手搬。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI