【新增影片】
馬德里體育會新建成嘅萬達大都會球場，今輪西甲正式啟用，周六將面對馬拉加；新球場其中一個賣點，就有一個叫傳奇走廊嘅通道，就為表揚昔日床單兵團而設，但超過150名表揚球員中，就難免有球迷不滿角色，特係係轉投曼城嘅阿古路同轉投巴塞隆拿嘅阿達杜倫。

要登上傳奇走廊，首要幫馬體會上陣超過100場，而且對球隊有一定成就，現役好似加比、佐治高基都有份，但連叛將阿古路、阿達杜倫都有份，就激嬲唔少床單球迷；事關佢哋離隊時，同馬體會可以話不歡而散，另外雷耶斯幫過皇馬拎西甲冠軍等，都引起爭議。