黃榕今日又出動喇，到會展為纖體機宣傳，之前自認受情傷嘅佢依然谷到盡露出四吋事業線兼晒長腿，戰鬥格盡現。

提到早前被玩弄感情，快閃拍拖兩個月後突然失蹤，有指男主角是無線藝人魏焌皓，問到榕姨被「用完即棄」？點知佢即忍不住流淚，雙眼通紅說：「過咗去嘅感情事，唔想再提。」

為何一提即喊？榕姨表示只係起家人同朋友嘅安慰令她感動，提到男主角是否魏焌皓時，榕姨講咗三次：「我唔想再提呢個人。」

不過榕姨坦言身旁不乏追求者，內地歌手劉漢兆(貌似陳冠希)亦是裙下之臣，榕姨笑道：「我唔止佢一個追求者，佢有同我表白，不過我對男人好驚，唔好住，都係做女強人算啦。」榕姨透露早前到北京工作，劉漢兆想到酒店探佢，但俾佢婉拒：「就算傾偈都唔好，怕誤會。」