現年27歲嘅日本女星堀北真希，去年8月閃嫁《同一屋簷下》男星山本耕史，婚後佢明顯減產，今年3月更有消息指堀北引退藝能界，連其影迷會都已經關閉，索性生仔做個賢妻良母。

堀北婚後多次被拍得戴住口罩出街，聽日出版雜誌《女性自身》追訪佢日前戴上粗框眼鏡及口罩，亦穿着便服、波鞋去睇婦產科。雜誌仲報道，有知情者聲稱堀北同山本耕史已造人成功，目前陀B嘅堀北將喺年底生得，不過佢發言人未有回應，現階段都係估估吓，而佢上年底至今已多次傳出有喜，唔知今次又堅定流。

堀北入行13年被力捧成影視界當紅姐仔，參演過日劇《電車男》、《野豬大改造》及《花樣少年少女》，不過近年佢成績欠佳，令佢對演藝事業心灰意冷。