第24屆流行音樂金曲獎，戲肉係頒最佳國語男女歌手，先頒女歌手，以為會係大熱嘅蔡依林同G.E.M.之爭，點知就爆一個小冷，由冇出席頒獎禮嘅林憶蓮(Sandy)奪得，由今次憑憶蓮大碟《蓋亞》而奪得最佳編曲人嘅常石磊代領，佢喺台上讀出Sandy預先寫好嘅謝辭。

到頒發最佳國語男歌手喇，請咗周杰倫同蔡依林上台做頒獎嘉賓，大會主持人陶晶瑩係咁玩呢對緋聞男女，不停叫佢哋「抱抱」，跟住全場都跟住嗌，搞到兩個好鬼尷尬，周董要話：「不如頒獎才是正經。」噢，嬲喇...

最佳國語男歌手最後由蕭敬騰奪得，佢上到台興奮到只係不停講：「er...er...」諗唔到講乜，最後只伙大嗌：「我爽死了！」又話多謝一直以來支持佢嘅人。

獎就頒完，主持人陶晶瑩叫周杰倫同蔡依林留步，話要多謝佢哋兩脇插刀，義不容辭幫手，不過陶晶瑩都係要加多句：「但是呢，都是要抱抱！」搞到周董同Jolin逃難咁走呀！